وەزارەتی کشتوکاڵی عێراق هۆشداریدەدات لەوەی، 55%ی کۆی گشتیی زەوییەکانی عێراق مەترسیی بەبیابانبوونیان لەسەرە، هۆکارەکەشی کەمئاوییە.
بەێوەبەری گشتیی دارستان و ڕووبەڕووبوونەوەی بەبیابانبوون لە وەزارەتی کشتوکاڵی عێراق ڕایگەیاند، کەرتی کشتوکاڵ بە ئاژەڵ و ڕووەکەوە پشت بە ڕێژەی ئاو دەبەستێت بۆ گەشەکردن و بەرهەمهێنان، بەڵام کەمئاویی ئەمساڵ هەڕەشە لە هەردوو جۆرەکە دەکات.
ئەو بەرپرسە عێراقییە بە ئاژانسی فەرمیی هەواڵی عێراقی وتووە، کەمی باران و گرتنەوەی ئاو لەلایەن وڵاتانی دەوروبەرەوە کاریگەریی نەرێنییان کردووەتەسەر کەمی بەرهەم و پلانی کشتوکاڵی لەمساڵدا.
ئاماژەی بەوەشکردووە، “ڕووبەری بەبیابانبووی زەوییەکانی عێراق دەگاتە نزیکەی 27 ملیۆن دۆنم، کە دەکاتە نزیکەی 15%ی کۆی زەوییەکانی وڵات، لەگەڵ ئەوەشدا 55%ی زەوییەکانی عێراق مەترسیی بەبیابانبوونیان لەسەرە”.
