بەهۆی خراپی و دەستكاریكردنی كوالێتیی بەنزینەوە، 46 بەنزینخانەی دیكە لە هەولێر و دەوروبەری سزادراون.
فەرمانگەی میدیا و زانیاریی حكومەتی هەرێم بڵاویكردووەتەوە، بەهۆی خراپی و دەستكاریكردنی كوالێتیی بەنزینەوە لەماوەی دوو هەفتەدا 46 بەنزینخانەی دیكە لە هەولێر و دەوروبەری، لەلایەن لیژنەی پشكنین و چاودێریكردنی بەنزینخانەكانی هەولێرەوە سزادراون.
ئاماژە بەوەشكراوە، لەسەرەتای ئەم مانگەوە تاوەكو ئەمڕۆ، 122 بەنزینخانە سزادراون و ڕێكاری یاسایی لە بەرامبەر خاوەنەكانیان گیراوەتەبەر.
