بەڕێوەبەرانی یانەی چێڵسی هەوڵەکانیان بۆ واژۆ کردنی دوو گرێبەستی گەورە چڕ کردووەتەوە، چاوەڕوان دەکرێت بەم نزیکانە هەر دوو گرێبەستەکە ئاشکرا بکرێن.
ڕۆژنامەی ” زە سەن”ی بەریتانی ئاشکرای کردووە، ئیدارەی چێڵسی بەرامبەر بە 55 ملیۆن پاوەند سەرکەوتوو بووە لە یەکلایی کردنەوەی گرێبەستی ڕافینیا لە یانەی لیدز یونایتدەوە.
یەکێکی دیکە لە هەوڵەکانیان بە ئاراستەی ڕەحیم ستێرلینگە، بۆ ئەو یاریزانەش بڕی 50 ملیۆن پاوەند وەک ئۆفەری سەرەتایی پێشکەشی یانەی مانچستەر سیتی دەکەن، چاوەڕوانکراویشە گرێبەستەکە ڕەزامەندی لەسەر بدرێت.
بەپێی سەرچاوەکە، تۆد بۆیلی خاوەنی نوێی چێڵسی جگە لەو دوو یاریزانە، هەوڵ دەدات لە هێڵی بەرگری شوێنگرەوە بۆ ڕودیگێر و کریستنسن دابین بکات، بۆ ئەو مەبەستەش چاوەکانی خستووەتە سەر ماتیاس دی لێخت لە یوڤانتۆس و خالیدۆ کۆلیبالی لە یانەی ناپۆلی.
