یانه‌ی بایرن میونشن له یاریگای خۆیدا چواره‌مین یاریی خولی ئه‌ڵمانیایبه‌رامبه‌ر بوروسیا مونشنگلادباخ ئه‌نجامدا و یه‌کسانبوونی تۆمارکرد.
ئه‌مشه‌و شه‌ممه، له چێوه‌ی یارییه‌کانی هه‌فته‌ی چواره‌می خولی پله یه‌کی ئه‌ڵمانیا، یانه‌ی بایرن میونشن له یاریگای “ئالیانز ئارینا” میوانداریی بوروسیا مونشنگلادباخی کرد، یارییه‌که به ئه‌نجامی یه‌کسانبوون (1-1) کۆتاییهات.
گۆڵه‌که‌ی مونشنگلادباخ له خوله‌کی 43 له‌لایه‌ن مارکۆس تورامه‌وه تۆمارکرا، گۆڵی یه‌کسانکه‌ره‌وه‌ی ئه‌نجامه‌که‌ش له خوله‌کی 83 له‌لایه‌ن لیرۆی سانێ-وه تۆمارکرا.
به‌پێی ئه‌نجامه‌که، بایرن به کۆکردنه‌وه‌ی 10 خاڵ له چوار هه‌فته‌دا له پله‌ی یه‌که‌می ڕیزبه‌ندیی “بوندس لیگا” به جێگیری مایه‌وه، یانه‌ی گلادباخ به هه‌شت خاڵه‌وه له پله‌ی شه‌شه‌مدا جێگیربوو.
