ڕۆنی کۆلیمان، پاڵەوانی ئەفسانەیی بواری لەشجوانی دووچاری کێشەی تەندروستی بووە و ناتوانێت بە پێیەکانی بڕوات.
ڕۆژنامەی “دەیلی ستار”ی بەریتانی تیشکی خستووەتە سەر ڕۆنی کۆلیمان، کە بڕیارە ماوەی داهاتوو لە پێگەی “نێتفلیکس”ەوە فیلمێکی دۆکیومێنتاری لەبارەیەوە بڵاو بکرێتەوە.
بەهۆی ڕاهێنانی قورس و ئەنجامدانی چەند نەشتەرگەرییەکەوە، کۆلیمان لە پێیەکانی کەوتووە و لە ئێستادا بە کورسی خاوەن پێداویستی تایبەتەوە هاتووچۆ دەکات.
ئەفسانەکە دەڵێت، “دەمێکە بەهۆی ئازارەوە دەناڵێنم و لەسەر دۆخەکە ڕاهاتووم، حەب و چارەسەری تەندروستی دەخۆم، ئەوە تا ڕادەیەک یارمەتیداوم و لە ئازارەکانمی کەم کردووەتەوە، بەڵام کاتێک دەمەوێت لەسەر پێیەکانم بوەستم ئازار ڕێگەم پێنادات.”
کۆلیمان پاڵەوانی ئەفسانەیی بواری لەشجوانی ئەمریکا و جیهانە، لە تەمەنی وەرزشییدا 26 ناسناوی بەدەستهێناوە، لەنێوانیاندا پاڵەوانی جیهان و مستەر ئۆڵیمپیا (10 مستەر ئۆڵیمپیا)، دووپاتی کردووەتەوە، کە لە ژیانی وەرزشییدا بە بڕی دوو ملیۆن دۆلار نەشتەرگەری ئەنجام داوە.
