محەمەد حەلبووسی، پەیامێكی لەبارەی دەستلەكاركێشانەوەی پەرلەمانتارانی فراكسیۆنی سەدر لە ئەنجومەنی نوێنەرانی عێراق بڵاوكردەوەو نیگەرانی خۆی دەربڕیوە.
محەمەد حەلبووسی، سەرۆكی ئەنجومەنی نوێنەرانی عێراق لە پەیامێكیدا بڵاویكردەوە، “بەنیگەرانییەوە داوای خوشك و براكانمان لە فراكسیۆنی سەدر لە ئەنجومەنی نوێنەرانی عێراق بۆ دەستلەكاركێشانەوەیان پەسەند كردووە”.
لەلایەكی دیكەوە خەمیس خەنجەر، سەرۆكی هاوپەیمانی عەزم ڕایگەیاند، موقتەدا سەدر پەیوەندی پێوەكردووە و جەختیان لە چارەسەركردنی كێشەكان كردووە كە پێویستییەكی نیشتیمانییە و گفتوگۆكانیان لەو بارەیەوە بەردەوامدەبێت.
