حكومەتی عێراق جەختدەكاتەوە كە ژمارەیەك نانەواخانە و سەمونخانە لە شارەكاندا دەكاتەوە و نان و سەمون بە هەرزان دەدات بە هاوڵاتییان.
محەمەد حەنون وتەبێژی وەزارەتی بازرگانیی عێراق ڕایگەیاند، وەزارەتەكە پڕۆژەی پشتیوانیكردنی نرخی نانی ئامادەكردووە و پلانی هەیە پشتیوانیی بازاڕی ئارد و دانەوێڵە بكات، 300 هەزار تۆن گەنم و ئاردیش دەخاتە بازاڕەوە لەپێناو هەرزانكردنی نرخەكانیان.
وتەبێژی وەزارەتی بازرگانی ئاشكرایكرد، دەیانەوێت لەم كاتەدا كە نرخی گەنم و ئارد بەرزبووەتەوە، هاوكاریی هاوڵاتییان بكەن و نان بە هەرزان بۆ هاوڵاتییان دەستەبەربكرێت.
وتیشی، وەزارەتی بازرگانی چەندین نانەواخانە و سەمونخانە لە شارەكاندا دەكاتەوە، نان و سەمون بە هەرزان بە هاوڵاتییان دەفرۆشن و وتی، 13 بۆ 15 سەمون بە هەزار دینار دەدەن بە هاوڵاتییان و لە زووترین كاتدا نانەواخانە و سەمونخانەكان دەكرێنەوە.
