یانەی ڕیاڵ مەدرید ئامادەکاری بۆ واژۆ کردنی گرێبەستی یەکێک لە باشترین لاوە بەهرەدارەکانی خولی بەڕازیل دەکات.
بەپێی زانیارییەکانی ڕۆژنامەنووس و شارەزای بواری گواستنەوەکان، خۆرخی بیکۆن، دۆزەرەوەی بەهرەکانی ڕیاڵ مەدرید لە خولی بەڕازیل چاودێری توندیان خستووەتە سەر ماتیۆس ناسیمێنتۆی هێرشبەری یانەی بوتافوگۆ و بەم نزیکانە گرێبەستی پێشکەش دەکەن.
ناسیمێنتۆ تەمەنی 18 ساڵە و لە یانەی بوتافوگۆ یاری دەکات، بەرزی باڵای 182 سانتیمەترە و لەلایەن میدیاکانەوە بە “مینی کاڤانی- کاڤانی بچووک) ناوی دەرکردووە، لە هەر دوو پێگەی هێرشبەری سەرە ڕم و باڵەکانی هێرشبەری ڕاست و چەپ یاری دەکات.
بەهرەدارەکەی بەڕازیل لە پێکهاتەی لاوانی سیلیساو یاری دەکات، شێوازی یاریکردنی هاوشێوەی ئیدینسۆن کاڤانی ئورۆگواییە، چاوەڕوانی داهاتوویەکی پرشنگداری لێدەکرێت.
ناسیمێنتۆ لەم وەرزەدا بەشداری 17 یاری کردووە، حەوت گۆڵ و ئەسیستێکی تۆمار کردووە.
