ئەندامێكی ئەنجومەنی نوێنەرانی عێراق ڕایدەگەیەنێت، لەمەودوا ساڵانە بەشە دەرمانی نەخۆشخانەی هیوا دەخرێتە سەر وەزارەتی تەندروستیی عێراق.
سۆران عومەر، ئەندامی ئەنجومەنی نوێنەرانی عێراق لە هەژماری خۆی لە تۆڕی كۆمەڵایەتیی فەیسبووك نووسیویەتی، سەردانی وەزیری تەندروستی عێراق د.هانی موسا عقابی كردووە بەمەبەستی بەدواداچون بۆ پێداویستی نەخۆشخانەی هیوا و نەخۆشانی تالاسیمیا.
باسی لەوەشكردووە، لە كۆبوونەوەكەدا وەزیری تەندروستی لیستی چارەسەری نەخۆشانی تالاسیمای ئاراستەی لایەنی پەیوەندیدار کرد بۆ دابینکردنی.
ئەو پەرلەمانتارە دەشڵێت، “پاشان داخوازی کەمپینی نەخۆشخانەی هیوامان پێگەیاند و وەزیری تەندروستیش بە ڕێز و پێزانینەوە باسی کارەکانی نەخۆشخانەی هیوای کرد و بەڵێنی چارەسەی کەمی دەرمانیدا و وتی تاکە سەنتەری چارەسەری شێرپەنجەیە بۆ هەموو عێراق و لەمەودوا ساڵانە بەشەدەرمانی دەخەینە ئەستۆی وەزارەتی تەندروستی” .
