شاڵاو هیدایەت شارەزای كەشناسی دەڵێت، “سبەی لە چەند ناوچەیەك ئەگەری بارانبارین و هەورەبروسكە هەیە و بەهۆی هاتنی تەوژمە هەوایەكی سارد لەسەرتاسەری وڵات پلەكانی گەرما بەشێوازی بەرچاو دادەبەزن و كەشێكی ساردی پێشوەختە روو لە ناوچەكە دەكات.
ئاماژەی بۆ ئەوەش كردووە پێشبینیدەكرێت سبەینێ حاڵەتێكی ناسەقامگیریی لە كەشوهەوا چەند ناوچەیەك بگرێتەوە و بەتایبەت سنوری ناوچەكانی باكووری گەرمیان و پارێزگای هەڵەبجە و پارێزگای كەركوك تا ئیدارەی راپەڕینیش ئەگەری بارانبارین هەیە.
دەشڵێت، “لە پارێزگای سلێمانی و ناوچەی شارەزوور ئەگەری تەنها نمەبارانێكی كەم هەیە و كاریگەری ئەم حاڵەتەی ناسەقامگیریی زیاتر بۆ ناوچە شاخاوییەكانە لەگەڵ ئەمەشدا سبەینێ خێرای با هەندێك كات زیاددەكات كاریگەری ئەم حاڵەتە تا كاتەكانی ئێوارە درێژەی دەبێت شێوازی بارانەكە بەشێوەی تاوە دەبێت و و مەرج نییە بەشێكی زۆری ناوچەكان بكرێتەوە.
