توێژینەوەیەکی نوێ ئاشکرایکردووە، خوێ یەکێکە لە ڕێگرەکانی نوستن.
توێژینەوەکە لە گۆڤاری “ومەنس وۆرڵد”ـدا بڵاوکراوەتەوە و تێیدا توێژەران ڕایانگەیاندووە، “ڕێژەی زۆری سۆدیۆم کاتژمێری بایۆلۆجیی مشک تێکدەدات”.
ئەگەرچی ئەم توێژینەوەیە لەسەر مشکەکان ئەنجامدراوە، بەڵام بەپێی گۆڤارەکە، پشتپێبەستراوە و “مشکەکان وەک نمونەی DNAـی مرۆڤ دادەنرێن” لە تاقیگەکاندا.
توێژینەوەکە دەریخستووە وەرگرتنی ڕێژەی زۆری سۆدیۆم لەڕێی خوێوە شەوانە مێشکی چالاک کردووە و ڕێگربووە لە نوستن.
لەم بارەیەوە، مایک داو پزیشک و دەروونناس گوتویەتی ئەم دەرەنجامانە ڕاستن و “پشتبەستن بە چەند ڕاستییەکی دیکەی ڕوون و زانراو لەبارەی تەندروستیی نوستنەوە”.
