سەنتەری تەندروستیی ئەمریكا تایبەت بە كۆنترۆڵكردنی نەخۆشییەكان و خۆپارێزی ڕایگەیاندووە، تائێستا 700 حاڵەتی تووشبوون بە ئاوڵەی مەیموون لە جیهاندا تۆماركراون و لەو ژمارەیەش 21 یان لە ویلایەتە یەكگرتووەكانی ئەمریكابوون.
ئاماژەی بەوەشكردووە، تەواوی تووشبووەكانی ئەمریكا لە قۆناغی چاكبوونەوەدان و هیچ حاڵەتێكی گیانلەدەستدان بەهۆی ئاوڵەی مەیموونەوە تۆمارنەكراوە.
جنێفەر ماكویستون، بەرپرسی سەنتەری تەندروستیی ئەمریكا ڕایگەیاند، چەند حاڵەتێك تۆماركراون كە گوماندەكرێت ئاوڵەی مەیموون بێت.
هاوكات ڕاج بنجەبی، بەرپرسی بەشی سەلامەتی و تەندروستی لە كۆشكی سپی ڕایگەیاند، هەزار و 200 ژەمە ڤاكسین گەیشتووەتە ئەمریكا بۆ چارەسەركردنی تووشبووان.
