یەکێتیی ئەوروپا بە فەرمی ڕەزامەندیی لەسەر قەدەغەکردنی پلە بە پلەی نەوتی ڕوسی دەربڕی، ئەم بڕیارە چەند سزایەکی سەر بانکە گەورەکان و کەناڵە تەلەفزیۆنییەکانیش دەگرێتەوە.
یەکێتیی ئەوروپا ڕایگەیاند، بە شێوەی پلە پلە و لە ماوەی 6 مانگدا دەستبەرداری بەکارهێنانی نەوتی ڕوسیا دەبن.
هەروەها “چاوەڕواندەکرێت بە شێوەیەکی کاتی چاوپۆشی لە چەند وڵاتیک بکرێت” کە کەناراویان نییە، وەک هەنگاریا و کۆماری چیک و سلۆڤاکیا.
هەروەها بولگاریا و کرواتیاش بۆ ماوەیەکی کاتی چاوپۆشییان لێدەکرێت بۆ کڕینی چەند جۆرێکی دیاریکراوی نەوت.
ئەم هەنگاوە لە ئاکامدا دەکاتە قەدەغەکردنی 90%ی هەناردەکانی نەوتی ڕوسی بۆ ئەوروپا.
جێی ئاماژەیە، یەکێتیی ئەوروپا 25%ی نەوتی خۆی لە ڕوسیاوە هاوردە دەکات.
