ناوەندی ڕاگەیاندن و چاپەمەنی هێزەكانی پاراستنی گەل- هەپەگە كوژرانی 22 سەربازی توركیا و شەهیدبوونی فەرماندەیەكی یەژاستاریشی ڕاگەیاند.
هەپەگە لە ڕاگەیەندراوێكدا ئاماژەی بەوەكردووە،”هێزەكانمان لە گۆڕەپانی بەرخۆدانی شاخی ئێف ئێم و شاخی جودی لە هەرێمی زاپ، لە دژی سوپای توركیا دەستیان بە هەڵمەتی شۆڕشگێڕیی كردووە و گورزی قورس لە سوپای توركیا درا.
باسی لەوەشكردووە، 22 سەربازی توركیا كوژران كە یەكێكیان فەرماندەبووە، دوو سەربازی دیكەش برینداربوون، گورزیش لە هێلیكۆپتەرێكی سكۆرسكی و دوو هەلیكۆپتەری هێرشبەر درا و ئامێرێكی جامەریش تێكشكێنرا.
هەپەگە ڕاشیگەیاندووە، “فەرماندەی یەژاستار، نالین فرات، كە پێشەنگایەتیی چالاكییەكانی لە گۆڕەپانی بەرخۆدانی شاخی ئێف ئێم كرد و چووە سەر دوژمن و گورزی قورسی لە دوژمن دا و شەهید بوو”.
