تیمێکی پزیشکیی خۆبەخش سەردانی خێمەی مانگرتووانی سلێمانییان کرد و لەبارەی دۆخی تەندروستییانەوە روونکردنەوە دەدرێت.
نوێنەری تیمەکە لە کۆنفرانسێکی رۆژنامەوانیدا رایگەیاند، “دۆخی مانگرتووان تا دێت خراپتر دەبێت و بەگریی جەستەیان دابەزیوە و بەو هۆیەوە ئەگەری تووشبوونیان بە نەخۆشییە گوازراوەکان زیاددەکات”.
باسی لەوەشکرد، “پێویستە دەمامک لە پێش خێمەی مانگرتووان دابنرێت و هەرکەسێک کە سەردانیان دەکات بەکاریبهێنێت بۆ ئەوەی ئەگەری تووشبوونیان بە نەخۆشییە گوازراوەکان کەمببێتەوە”.
دەشڵێت، “مانگرتووان خۆیان ناتوانن دەمامک ببەستن، چونکە شلە و ئۆکسجینی جەستەیان بەهۆی نەخواردنی نان و خواردنەوە دابەزیوە و زیاتریش دادەبەزێت”.
