لە گەڕەکی ڕۆشنبیریی شاری هەولێر، سەگی هار پەلاماری هاوڵاتییەكی داوە و برینداریکردووە، تەندروستیی هۆشداری دەدات و دەڵێت، نەخۆشییەكە كوژەرە.
ڕووداوەكە شەوی ڕابردوو ڕوویداوە و سەگ ڕانی هاوڵاتییەكەی برینداركردووە، دوای وەرگرتنی چارەسەر ڕەوانەی ماڵەوە كراوە.
ماوەیەكە بڵاوبوونەوەی سەگی بێلانە لەسەر شەقام و ناو كۆڵان و گەڕەكەكاندا بووەتە دیاردە، هاوكاتی ئەوەش نەخۆشیی هاریی سەگ بڵاوبووەتەوە.
چەند ڕۆژێك لەمەوبەر وەزارەتی تەندروستیی عێراق هۆشداری لەبارەی نەخۆشییەكەوە دا و داوای لە هاوڵاتییان كرد خۆیان لە سەگی بێلانە بپارێزن.
لە نووسراوێكدا كە ئاراستەی سەرجەم پارێزگاكانی كردبوو، وەزارەتی تەندروستیی عێراق هۆشداری دابوو لەوەی هاریی سەگ نەخۆشییەكی كوژەرە و ڕێنمایی دابوو لیژنە پێكبهێنرێت بۆ لەناوبردنی ئەو سەگانەی دووچاری نەخۆشییەكە بوون.
