سەرباز بەرزنجی خەڵکی قەزای حاجیاوای سنووری ئیدارەی ڕاپەڕینە و ئەمڕۆ بە جێگری پارێزگاری لەندەن ھەڵبژێردرا.
لەبارەی وەرگرتنی ئەو پۆستەوە، سەرباز بەرزنجی ڕایگەیاند، “سەرەڕای ئەرکی ئەنجومەنی شارەوانی، ئەمڕۆ لە ڕێوڕسمێکی شایستە و تایبەتدا ئەرکێکی ترم پێسپردرا و بە زۆرینەی دەنگی ئەنجومەن، وەک جێگری پارێزگاری لەندەن ھەڵبژێردرام”.
جێگری پارێزگاری لەندەن دەڵێت، “شەرەفێکی مەزنە مرۆڤ بتوانێت خزمەتی کۆمەڵگە و خەڵکی خۆی بکات و ببێتە نوێنەری ڕاستەقینەی ھاوڵاتییان و ڕابردووی خۆی لەیادنەکات”.
سەرباز خۆشحاڵە بەوەی لە ڕێوڕەسمی ناساندنی وەك جێگری پارێزگاری لەندەن، جلوبەرگی نەتەوەیی کوردیی پۆشیوە و دڵنیاییدەدات لەوەی بەوپەڕی توانایەوە، ھەوڵدەدات لە ئاستی متمانە و چاوەڕوانیی خەڵكدا بێت.
