تەنها دوو هەفتە ماوە بۆ هەڵبژاردنە سەرۆکایەتییەکەی ئەمریکا و ڕاپرسییەکانیش پێشبینی سەرکەوتنی جۆ بایدن-ی کاندیدی دیموكراته‌كان دەکەن.
دەزگای ڕاگەیاندنی (Inverstor’s Business Daily) بە هاوبەشی لەگەڵ ئینستیتۆی تەکنۆمێتریکا بۆ سیاسەت، ڕاپرسییەكیان ئەنجامدا و بەپێی ئەنجامەكەی جۆ بایدن بە 5.2 نمرە لەپێش دۆناڵد ترەمپ،ی ڕكابەرییەوەیە.
لەلایەکی دیکەوە کەناڵی (ABC)ی ئەمریکی لە 10ی ئەم مانگەدا ڕاپرسییەکی بڵاوکردەوە و تیایدا دەردەكەوێت كە بایدن 12 نمرە لەپێش ترەمپ-ەوەیە.
بەهەمان شێوە کەناڵی (CNBC) ڕاپرسییەکی دیکەی ئەنجامداوە و تیایدا 52%ی بەشداربووان دەنگیان بە بایدن و 42%یشیان دەنگیان بە ترەمپ داوە.
بڕیارە لە 3ی تشرینی دووەمی داهاتوو هەڵبژاردنی سەرۆكایەتی ئەمریكا ئەنجامبدرێت و بۆ هەڵبژاردنەكەش ترەمپ و بایدن دوو پاڵێوراوی سەرەكی و دیاری هەردوو پارتی دیموكراتی و كۆماری-ن.
