حكومەتی هەرێمی كوردستان هاوكاتی بە قەزاكردنی ناحیەی حاجی ئاوا، بەڕێوەبەرایەتیی گشتیی شارەوانییەکانی ڕاپەڕین دادەمەزرێنێت.
بەپێی نووسراوێكی حكومەتی هەرێمی كوردستان، ئەنجومەنی وەزیران بڕیاریداوە بە هێنانەكایەی بەڕێوەبەرایەتیی گشتیی شارەوانییەکانی ڕاپەڕین و دەڵێت، بەڕێوەبەرایەتییەكە لەسەر میلاكی وەزارەتی شارەوانی و گەشت و گوزار دەبێت.
ئەمڕۆ یەكشەممە حكومەتی هەرێمی كوردستان بڕیاری بە قەزاكردنی حاجی ئاوا لە سنووری ئیدارەی ڕاپەڕینی دەركرد و ڕایگەیاند، بڕیارەكە لە ڕێكەوتی دەرچوونییەوە جێبەجێدەكرێت.
