بەهۆی سکاڵایەکی یاسایی حاکم شێخ لەتیفەوە، نووسەر کامیار سابیر دەستگیردەکرێت.
سکاڵاکە لەسەر وتارێکە کامیار سابیر ساڵ و نیوێک لەمەوبەر لەبارەی حاکم شێخ لەتیفەوە نووسیویەتی،بۆیە بڕیارە ماوەی هەفتەیەک لە زیندان ڕابگیرێت.
لەمبارەیەوە، شێخ لەتیف لە نووسێنێکی پەڕەی فەیسبوکی خۆیدا ڕوونیکردووەتەوە، پاش نووسەرەکە “تۆمەتی بۆ هەڵبەستووە” لەبارەی گەندەڵی و وەرگرتنی مووچەی خانەنشینییەوە، بۆیە سکاڵای لەسەر تۆمارکردووە و لە کاتی هاتنەوەیدا بۆ کوردستان، دەستگیرکراوە.
لە ڕوونکردنەوەکەدا هاتووە، “تەنھا لەسەر ئەوە سکاڵام لێکردووە، ئەگەر (تۆمەتەکان) ڕاستن، با بیسەلمێنێت و من داوای لێبوردنی لێ دەکەم. ئەگەر ڕاستیش نییە، دەبێت سزای تۆمەت ھەڵبەستن وەربگرێت، یان داوای لێبوردن بکات و منیش دەچم سکاڵاکەم دەکێشمەوە”.
کامیار سابیر نووسەرێکی دانیشتووی ئوسترالیایە و بەم دواییانە لە سەردانێکدا گەڕاوەتەوە هەرێمی کوردستان.
