وه‌زاره‌تی ته‌ندروستیی عێراق ئاشكرایدەكات، تا ئێستا ژماره‌ی توشبووانی تای خوێنبه‌ربوون گەیشتووەتە 90 حاڵەت و 18 كەسیش بەهۆیەوە مردوون.
سه‌یف به‌در، وته‌بێژی وه‌زاره‌تی ته‌ندروستیی و ژینگه‌ی عێراق له ڕاگه‌یه‌ندراوێكدا ئاماژەی بەوەكردووە، “حاڵەتەكانی تووشبوون بە تای خوێنبەربوون ڕووی لە زیادبوون كردووە و تاوەكو ئێستاش 90 كەس تووشی نەخۆشییەكە بوون”.
بەوتەی وتەبێژەكەی وەزارەتی تەندروستی، ئه‌گه‌ری زیاتر بوونی حاڵەتەكانی توشبوون به تای خوێنبه‌ربون هەیە، بەهۆی ئەوەی ژمارەیەك حاڵه‌تی دیكه‌ی گومانلێكراو تۆماركراون و ئه‌نجامی پشكنینه‌كانیان تا ئێستا ده‌رنه‌چووه.
هەر ئەمڕۆ وەزارەتەكە بڵاویكرده‌وه، لە بەغداد چوار کەس تووشی تای خوێنبەربوون بوون و کەسێکیش مردووە.
