پەرلەمانتارێكی فراكسیۆنی یەكێتی لە ئەنجومەنی نوێنەرانی عێراق بە واژووی 50 پەرلەمانتار یاداشتێك دەداتە سەرۆكایەتیی ئەنجومەنی نوێنەرانی عێراق بۆ پێكهێنانی لیژنەیەك بۆ چاودێریكردنی جێبەجێكردنی ماددەی 140ی دەستوور.
دیلان غەفور، پەرلەمانتاری فراكسیۆنی یەكێتیی نیشتمانیی كوردستان لە ئەنجومەنی نوێنەرانی عێراق بڵاویكردووەتەوە، بە واژووی 50 پەرلەمانتار لە فراكسیۆنەكانی یەكێتی، نەوەی نوێ، كۆمەڵی دادگەری و یەكگرتووی ئیسلامی دووبارە یاداشتێكی بۆ دەستەی سەرۆكایەتیی ئەنجومەنی نوێنەرانی عێراق بەرزكردووەتەوە بۆ پێكهێنانی لیژنەیەك بەمەبەستی چاودێریكردنی جێبەجێكردنی ماددەی 140ی دەستوور.
