لێكۆڵینەوە تەندروستییەكان دەریدەخەن 55 ملیۆن كەس لە جیهان بەهۆی حاڵەتەكانی تووشبوون بە خەڵەفاوییەوە دەناڵێنن، ئەو داتایەش ڕێكخراوی تەندروستیی جیهانی پشتڕاستیكردووەتەوە كە كاریگەری نەرێنی لەسەر ژیانی كەساكان و كاروباری ڕۆژانەیان دروستدەكات.
لە گرنگترین نیشانەكانی خەڵەفاوی بریتین لە:-
لەدەستدانی بیرەوەری/
كە زۆر كات كەسەكە بیرەوەری و ڕووداوەكانی بەسەر خۆی هاتووە بۆی باسدەكەیت لەبیریدەكات ئەوەش پەیوەندی بە مێشكی كەسەكەوە هەیە.
2. قورسی قسەكردن/
زۆركات ئەو كەسەی دووچاری خەڵەفاوی دەبێت هەندێك لە وشەی دیار هەیە بیری دەچێتەوە و نایەتە سەر زاری و وەك پێویست ناتوانێت قسەبكات
3.قورس شتەكانی بیرەدەكەوێـتەوە/
بەپێی توێژینەوە پزیشكییەكان دەركەوتووە، ئەو كەسانەی دووچاری خەڵەفاوی دەبن زۆر بە قورسی شتەكانیان بیدەكەوێتەوە و ناتوانن وەك خۆی درك بە شتەكانی پێشتر بكەنەوە لەكاتێكدا خۆیان لە ڕووداوەكاندا بوون.
4.هەڵچوون/
زۆر كات ئەو كەسانەی دووچاری خەڵەفاوی دەبن زوو هەڵدەچن و كاریگەری لەسەر مامەڵەكردنیان لەگەڵ دەوروبەر دەبێت.
5.كەمتەرخەم/
خەڵەفاوی هۆكارێكە كە كەمتەرخەمی لەكارەكاندا بكرێت وادەكات وەك پێویست كاری ڕۆژانە ئەنجامنەدرێـت.
