پۆلیسی هەولێر دەستگیركردنی دوو كەسی ڕاگەیاند كە كێبڵی كارەبای شەقامی 120 مەترییان دزیوە.
لە ڕاگەیەندراوێكدا بەڕێوەبەرایەتیی پۆلیسی پارێزگای هەولێر ئاماژەی بەوەكردووە، “بەیانی ئەمڕۆ لەسەر شەقامی 120 مەتری هەولێر دوو تۆمەتبار بەناوەكانی (د. م. خ) و (ھ. ح. م) بە تۆمەتی دزینی كێبڵی كارەبایی شەقامەكە دەستگیركران”.
باسی لەوەشكردووە، “لەكاتی دەستگیركردنی تۆمەتبارەكاندا دەستبەسەر ئۆتۆمبێلێكی جۆری (نیسان سەنی – تاكسی) و كۆسەرە و مشارو تاقم ئیسپانە و چەقۆدا گیراوە”.
