وتەبێژی وەزارەتی کشتوکاڵی عێراق ڕایدەگەیەنێت، لە ڕۆژانی داھاتوودا تای خوێنبەربوون لە سەرانسەری وڵاتدا کۆنتڕۆڵ دەکرێت.
د.حەمید نایف، وتەبێژی وەزارەتی کشتوکاڵی عێراق لە كۆنگرەیەكی ڕۆژنامەوانیدا ئەمڕۆ شەممە ڕایگەیاند، بۆ ڕێگرتن لە بڵاوبوونەوەی تای خوێنبەربوون زنجیرەیەک ڕێوشوێنی پەیوەندیدار بە ئاژەڵان گیراوەتەبەر.
ڕوونیشیكردەوە، وەزارەتەكەیان ھەڵمەتی کوتان و پاککردنەوە و ھەڵمەتی لەناوبردنی “مێرووی گەنە” کە بە ھۆکاری سەرەکی گواستنەوەی نەخۆشییەکە دادەنرێت دەستپێكردووە.
وتەبێژەكەی وەزارەتی كشتوكاڵ جەختیشی كردەوە، لە ڕۆژانی داھاتوودا بە تەواوەتی تای خوێنبەربوون کۆنتڕۆڵ دەکرێت.
ڕێنمایی هاوڵاتییانیش دەكات لە شوێنی گونجاو گۆشتی سوور بکڕن و پابەندی ڕێکارەکانی خۆپارێزی بن.
