كارلۆ ئەنچیلۆتی ڕاهێنەری ڕیاڵ مەدرید دوپاتیكردەوە كە ئەوان سەرەتا ڕێزی خشتەی یارییەكانی لا لیگا دەگرن دواتر سەرنج دەخەنە سەر یاریی كۆتایی چامپیۆنز لیگ.
ڕەتیشیكردەوە هیچ شتێك لەسەر داهاتووی مارسیلۆ و هازارد بكات و خستییە دوای یاریی كۆتایی چامپیۆنز لیگ.
پوختەی قسەكانی ئەنچیلۆتی
– پشووم بە بنزیمەدا لەبەرئەوەی شایستە بوو، دوو رۆژ پشوو بوو، بەرامبەر قادش ڤینیسیۆس و كۆرتوا پشوو دەبن، هەفتەی داهاتوو هەمووی دەگەڕێتەوە.
– پێویستە سەرەتا گرنگی بە خشتەی یارییەكان بدەین دواتر سەرنج لەسەر یاریی كۆتایی چامپیۆنز لیگ دەدەین.
– هیچ قسەیەكمان لەسەر ڕۆیشتنی هازارد نەكردووە، پلانەكە ڕوونە، دەمێنێتەوەو هەوڵ دەدات ئاستێكی بەرز پێشكەش بكات چونكە كاتێكی باشی لێرە بەڕێنەكردووە.
– باسی داهاتووی مارسیلۆمان نەكردووە، جارێ یارییەكی كۆتایمان هەیە، دواتر زۆر بە ڕوونی قسە لەسەر ئەوە دەكەین.
– هیچ سەرسام نەبوم بە ئاستی ڤینیسیۆس، لەبەرئەوەی بەهرەیەكی تایبەتی هەیە، دەمەوێت بڵێم ڕۆدریگۆ و كامافینگا و ڤالڤێردیش بەهەمان شێوەن.
– محەمەد سەڵاح وتی لە پێگەی خۆم باشترینی جیهانم پێموایە ڕاستە و منیش هاوڕام لەگەڵ قسەكانیدا.
– ژووری خۆگۆڕینی زۆر لێرە قورسترم توش بووە، زۆر بە ئاسانی مامەڵە لەگەڵ یاریزانەكانی ڕیاڵ مەدرید دەكەم.
