کەشناسیی هەرێمی کوردستان کەشوهەوای ئەمڕۆ و سبەینێی بڵاوکردەوە، بەپێی پێشبینییەکان سبەینێ ئاسمان پەڵەهەور دەبێت، پاشان دەگۆڕێت بۆ نیمچەهەور لەگەڵ بارینی تاوەباران لە ناوچە شاخاوییەکان لەکاتی ئێوارەدا.
بەپێی پێشبینیی بەڕێوەبەرایەتیی گشتیی کەشناسی و بومەلەرزەزانیی هەرێمی کوردستان، ئەمڕۆ لە پارێزگاکانی هەرێمی کوردستان ئاسمان ساماڵ و پەڵەهەور دەبێت .
کەشوهەوای سبەینێ پێنجشەممەش بەمجۆرە دەبێت، لە پارێزگاكانی هەولێر و دهۆک ئاسمان ساماڵ و پەڵەهەور دەبێتك پاشان دەگۆڕێت بۆ نیمچەهەور لەگەڵ بارینی بارانی پچڕ پچڕ لەکاتەکانی دوای نیوەڕۆدا، لە سلێمانی و هەڵەبجە و كەركوكیش ئاسمان ساماڵ و پەڵەهەور دەبێت، پاشان دەگۆڕێت بۆ نیمچەهەور لەکاتەکانی ئێوارەدا.
كەشناسی پێشبینی ئەوەشیكردووە پلەكانی گەرما لەناوچەكان دوو پلە بەرزببنەوە.
