وەزیری ناوخۆی عێراق رایدەگەیەنێت، لە پڕۆسەی دەنگدانی هیچ پێشێلكارییەكی ئەمنی تۆمارنەكرا و سندوقەكانی دەنگدان بۆ كۆگاكان دەگوازرێنەوە.
عەبدولئەمیر شەممەری، وەزیری ناوخۆی عێراق لە كۆنگرەیەكی رۆژنامەوانیدا رایگەیاند، پڕۆسەی دەنگدان بە شێوەیەكی ئارامی بەڕێوەچووە و تەواوی هێزە ئەمنییەكان لە ئەركدا بوون.
وتیشی، قۆناغی دووەمی هێزە ئەمنییەكان پاراستنی سندوقەكانی دەنگدان دەبێت و سوپاسی تەواوی دامودەزگاكانی راگەیاندنیش دەكەین كە رۆڵی بەرچاویان هەبووە لە گواستنەوەی پلانی ئەمنی و ئەو كاندیدانەی بانگەشیان كردووە رێوشوێنی یاساییان بەرامبەر دەگیرێتەبەر و كۆمسیۆنیش ئاگاداردەكرێتەوە.
