بەڕێوەبەرایەتیی پۆلیسی پارێزگای سلێمانی چوار تۆمەتباری دەستگیركرد كە هەڵیانكوتابووە سەر پیاوێك و پارەیان لێسەندبوو.
بەپێی ڕاگەیەندراوێكی بەڕێوەبەرایەتیی پۆلیسی سلێمانی تێیدا هاتووە، دوای ئەوەی هاوڵاتییەك سكاڵای لەپۆلیسی سلێمانی تۆماركرد كە چوار ژن هەڵیانكوتابووە سەری و بەزۆر پارەیان لێسەندووە، سەرجەم بەش و بنكەكانی سنووری پارێزگای سلێمانی ڕاسپێردراون بەدواداچوونی بەپەلە بكەن بۆ دۆزینەوە و دەستگیركردنی تۆمەتباران.
ئاماژە بەوە كراوە، دوای بەدواداچوون توانرا لە ماوەی كەمتر لە 24 كاتژمێردا سەرجەم تۆمەتباران كە چوار ژنن دەستگیربكرێن و دانیان ناوە بەتاوانەكەیاندا و بە بڕیاری دادوەر ڕاگیراون و لێكۆڵینەوە لەگەڵیان بەردەوامە.
