ماوریسۆ پۆچتینۆ لە باسی دیاریكردنی داهاتووی مباپی پەشیمان بووەتەوە و دەڵێت باسی ئەم وەرزەم كردووە نەك وەرزی داهاتوو.
لە چاوپێكەوتنێكی تەلەفزیۆنی یانەی پاریس سانجێرمان، پۆچتینۆی ڕاهێنەری پاریس ڕایگەیاندبوو، لەسەدا سەد من و مباپی وەرزی داهاتوو لە فەرەنسا دەمێنینەوە.
ئەو لێدوانە كاردانەوەی زۆری بەدوای خۆیدا هێنا و هەموان پێیانوابوو مباپی بڕیاری مانەوەی داوە.
هەرزوو پۆچتینۆ دۆخەكەی ڕێككردەوە و لە كۆنفرانسێكی ڕۆژنامەنوسیدا ڕایگەیاند: “من باسی وەرزی داهاتووم نەكردووە و قسەكانم لەسەر ئەم وەرزە بووە.”
پۆچتینۆ ئاماژەی بەوەشدا كە ئەو باسی لەوە كردووە ئەم وەرزە لەسەدا سەد مباپی دەمێنێتەوە و وتەكانی بەشێوەیەكی تر گەیەندراون.
دوای ئەوەی پێشتر پۆچتینۆ وتبوی كە من و مباپی وەرزی داهاتوو لەسەدا سەد بەردەوام دەبین، ئەنچیلۆتی ڕاهێنەری ڕیاڵ مەدرید لای خۆیەوە وتبوی: پۆچتینۆ هەموو ڕاستییەكان نازانێت و ئەوەشی وتوویەتی ڕاستی نییە لەسەر مباپی.
