وەزیری ئاوەدانكردنەوە و نیشتەجێكردنی هەرێم ڕایدەگەیەنێت، تونێلی دەربەندیخان نۆژەندەكرێـتەوە و دەڵێت، “لیژنەیەك پێكهێندراوە كە لە داهاتوو دوو تونێل لە دەربەندیخان دروستبكرێن”.
دانا عەبدولكەریم، وەزیری ئاوەدانكردنەوە و نیشتەجێكردنی هەرێم سەردانی قەزای دەربەندیخانی كرد و تونێلی دەربەندیخانی بەسەركردەوە و لە كۆنگرەیەكی ڕۆژنامەوانیدا كە پەیامنێری تۆڕی میدیایی ئێستا ئامادەیبوو ڕایگەیاند، تونێلی دەربەندیخان نۆژەندەكرێتەوە و هەوڵدەدەین هاتوچۆ لەسەر تونێلی دەربەندیخان كەمبكەینەوە.
ئاماژەی بەوەكرد، میكانیزمێك دادەنرێت كە ئۆتۆمبێلی بارهەڵگر لەسەر چیاكەوە هاتوچۆبكەن و ڕێگای “ناوتاق” بۆ ئۆتۆمبێلی بارهەڵگر قیرتاوبكرێت.
وەزیری ئاوەدانكردنەوە ئاشكرایكرد، لیژنەیەك پێكهێندراوە بەمەبەستی دانانی میكانیزمێك كە بتوانرێت لە داهاتوودا دوو تونێلی دیكە لە دەربەندیخان دروستبكرێن.
