لەكاتی دانانیدا بۆمبێكی چێندراو بە دوو كەسدا تەقییەوە و بەهۆیەوە برینداربوون كە پیشەیان كارمەندی چێشتخانەیە.
سەرچاوەیەكی ئەمنی لە خورماتوو بە تۆڕی میدیایی ئێستای وت، كاتژمێر 08:30 خولەكی ئەمشەو لە کاتی چاندنی بۆمبی چێنراو لەلایەن دوو گەنجەوە لە نزیک چەمی ناسراو بە (شۆراوی حەمەغەریب) بۆمبەکە بە خۆیاندا تەقییەوە و بووە هۆی برینداربوونیان.
وتیشی، “تۆمەتباران بەمەبەستی چارەسەركردن ڕەوانەی نەخۆشخانەی گشتیی خورماتوو كراون”.
سەرچاوەكە ئەوەشی ئاشكراكرد، هەردوو تۆمەتبار بەناوەکانی (ص.ع.ع.) دانیشتووی زگلبانە و (ٲ.ح.ع.) دانیشتووی حلێوە بە ڕەگەز عەرەبن و پیشەیان گارسۆنە لە یەکێک لە چێشتخانەکانی خورماتوو.
