محەمەد عەبدولحەلیم پزیشکی پسپۆڕی منداڵبوون و خانمان ڕایگەیاند، خانمانی دووگیان دەتوانن بەڕوژوو ببن، بە مەرجێک هیچ کێشەیەکی دووگیانی، شەکرە، فشاری خوێن و کێشەی گورچیلەیان نەبێت.
پزیشکەکە ئاماژەی بەوەش دا، بەر لەوەی بڕیاری بەڕوژووبوون بدات، خانمی دووگیان پێویستە پشکنینی شەکر بکات و دڵیاببێتەوە لەوەی ڕێژەکەی لە 5.30 نزمترە.
هەروەها ڕوونیکردەوە، لە باری ئارەقکردنەوەی زیادە و سەرگێژخواردندا، یان لە بارێکدا گەر دووگیانییەکە لە مانگەکانی کۆتاییدا بوو(حەوت و هەشت و نۆ) و هەستیکرد جووڵەی منداڵەکە زۆر لە ڕۆژانی ئاسایی کەمتربووەتەوە، پێویستە ڕۆژووەکەی بشکێنێت و ڕۆژی دواتر بەڕووژوونەبێت.
ئەگەریش خانمەکە توانی بەڕوژوو ببێت و ئەو کێشانەی نەبوو، ئەم ڕێنماییانەی خوارەوە بەسووددەبن بۆی.
دابەشکردنی ژەمی بەربانگ بۆ دوو ژەم، هەروەها بۆ شکاندنی ڕۆژوو ئاو بەکارنەهێنێت.
کاتی نانخواردن، ئاو نەخواتەوە.
لە ماوەی جیاجیادا و لە نێوان بەربانگ و پارشێودا، لایەنی کەم خواردنەوەی 12 پەرداخ ئاو.
خۆلادان لە خوێ و خواردەمەنییە توونەکان.
ڕۆژانە خواردنی شیرینی لە یەک جار زیاتر نەبێت.
هەموو پارشێوێک خواردنی یەک مۆز، چونکە زۆر گرنگە بۆ تەندرووستیی خانمانی دووگیان.
