وەزیری تەندروستیی هەرێمی كوردستان پەیامێك ئاڕاستەی هاوڵاتیان دەكات و داوادەكات بەهۆی شەپۆلی خۆڵبارینەوە هاوڵاتیان نەچنە دەرەوە.
سامان بەرزنجی، وەزیری تەندروستیی هەرێمی كوردستان ئەمرۆ هەینی داوایەكی ئاڕاستەی هاوڵاتیان كردووە ئەگەر پێویست نییە لە ماڵەكانیان نەچنە دەرەوە و لەكاتێكدا ئەگەر چوونە دەرەوە ماسك ببەستن.
وەزیری تەندروستی دەڵێت، “تۆز و خۆڵ كاریگەری لەسەر كۆئەندامی هەناسەدان دەبێت بە تایبەتی بۆ ئەو كەسانەی نەخۆشییەكانی ڕەبۆوە، هەستیاری ،هەوكردنی كۆئەندامی هەناسەو دڵ”-یان هەیە.
