ڕاگەیاندنی نەخۆشخانەی فریاکەوتنی شەقڵاوە بڵاویكردەوە، نیوەڕۆی ئەمڕۆ گەشتیارێکی بیانی دوای ئەوەی بۆ گەشت چووتە سەر چیای سەفین کەوتووەتەخوارەوە و بەهۆیەوە گیانیلەدەستداوە.
لە ڕاگەیەندراوێكدا ڕاگەیاندنی نەخۆشخانەی فریاکەوتنی شەقڵاوە ئاماژەی بەوەكردووە، نیوەڕۆی ئەمڕۆ گەشتیارێکی بیانی بەناوی “کێرد وارتەر” لە دایکبووی ساڵی 1961 بۆ گەشت چووبووە چیای سەفین، بەهۆی کەوتنەخوارەوەشی گیانیلەدەستدا.
باسی لەوەشكردووە، ئەو هاوڵاتییە بەمەبەستی گەشتکردن لەگەڵ ژمارەیەک هاوڵاتیی دیکەی هەرێمی کوردستان سەردانی سنوورەکەی کردووە و دوای چەند کیلۆمەترێک لە ڕۆیشتنە بە پێ كەوتووەتەخوارەوە و گیانیلەدەستداوە، دوای ڕووداوەکەش تیمەکانیان بەهاوکاری هێزە ئەمنییەکان تەرمی ئەو هاوڵاتییەیان بۆ نەخۆشخانەی شەقڵاوە گواستووەتەوە.
