وەزیری ئەوقاف و كاروباری ئاینیی هەرێم ڕایدەگەیەنێت، ڕۆژی یەكشەممە تەواوكەری مانگی ڕەمەزانە و ڕۆژی دووشەممە یەكەم ڕۆژی جەژنی ڕەمەزانە.
پشتیوان سادق، وەزیری ئەوقاف و كاروباری ئاینیی هەرێم لە كۆنگرەیەكی ڕۆژنامەوانییدا ڕایگەیاند، ئەمڕۆ لیژنەی باڵای بینینی مانگ لە وەزارەت بە هەماهەنگی لەگەڵ لیژنە لاوەكییەكان لە پارێزگا و ئیدارە سەربەخۆكان كۆبووەوە و لەبەرنەبوونی بەڵگەی شەرعی بڕیاردرا كە یەكشەممە تەواوكەری مانگی ڕەمەزان بێت و ڕۆژی دووشەممە یەكەم ڕۆژی جەژنی ڕەمەزانە.
ئاشكرایكرد، لەڕووی شەرعییەوە ئەگەر ئاسمان هەوربوو مانگ نابینرێت بۆیە یەكشەممە تەواوكاری مانگی ڕەمەزانە و ڕۆژی دووشەممە یەكەم ڕۆژی جەژنی ڕەمەزان دەبێت.
