بەڕێوەبەرایەتیی پۆلیسی دارستان و ژینگەی ڕاپەڕین ڕایدەگەیەنێت، لەدەربەندی ڕانیە دەستیان گرتووە بەسەر ماسییەكی 50 کیلۆییدا، كە لەلایەن چەند ڕاوچییەکەوە ڕاوکرابوو، پاشان ماسییەکەیان بەجێهێشبوو و هەڵاتبوون.
لە ڕاگەیەندراوێكدا پۆلیسی دارستان و ژینگەی ڕاپەڕین ئاماژەی بەوەكردووە، “لە دەربەندی ڕانیە دەستگیرا بەسەر یەک ماسی 50 کیلۆییدا، لەلایەن چەند ڕاوچییەک ڕاوکرابوو بەجێیان هێشتبوو پاشان هەڵاتوون”.
جەختیشی كردووەتەوە، بەدواداچون بەردەوامە سەرپێچیکاران دەدرێن بەدادگا .
هەر بەپێی ڕاگەیەندراوەكە، پەڕاوی لێکۆڵینەوەی بۆکراوەتەوە و دادوەری لێ ئاگادارکراوەتەوە .
هەروەها بەبڕیاری دادوەر ماسیەکە بە زیادكردن فرۆشرا .
ئەوەش لەكاتێكدایە، لە ئێستا وەرزی قەدەغەكردنی ڕاوكردنی ماساییە و ڕێگە بەڕاوكردن نادرێت.
