بریکاری وەزارەتی دادی حکومەتی هەرێم رایگەیاند، کاتژمێر 12ـی ئەمڕۆ موڵکەکانی کۆمپانیای چاڤی دەخرێنە زیادکردنی ئاشکراوە.
شیلان عارف، بریکاری وەزارەتی دادی حکومەتی هەرێمی کوردستان بە تۆڕی میدیایی ئێستای راگەیاند، لەئێستاوە تاوەکو کاتژمێر 12ـی نیوەڕۆی ئەمڕۆ، هاوڵاتییان دەتوانن ناویان بنووسن بۆ بەشداریکردن لەو زیادکردنە ئاشکرایە.
وتیشی، تاوەکو ئێستا هیچ هاوڵاتییەک ناوی خۆی تۆمارنەکردووە و لە ئەگەری نەفرۆشتن ئەو موڵکانە بە کڕیارەکان، سەرجەم موڵکەکان دەخرێنەوە بەردەستی حکومەت و ئەوکات، حکومەت خۆی بڕیاردەدات چۆن مامەڵەی لەگەڵدا بکات.
