بۆ مانگی ڕەمەزان خشتەی تایبەت بە کارەبای مۆلیدە ئەهلییەکان دیاریکرا جگە لە کاتژمێرێکی بەیانیان لەدوای کاتژمێر 3:00وە دەبێت کارەبای نیشتمانی تەواوبکەن، نرخی ئەمپێرێکی مۆلیدەش لەنێوان 14 هەزار بۆ 15 هەزار و 500 دینار دەبێت.
بەڕێوەبەرایەتیی گشتیی کارەبای سلێمانی ڕایگەیاند، بەپێی نرخی گازوایل نرخی ئەمپێرێک کارەبا بۆ مانگی ئازار لەنێوان 14 هەزار دینار بۆ 15 هەزار و 500 دینار دەبێت، نرخەکە بەپێی گەڕەکەکان دەگۆڕێت.
خشتەی کارکردنی مۆلیدەکان لە مانگی ڕەمەزاندا بۆ بەیانیان لە کاتژمێر 7:00ی بەیانی بۆ 8:00ی بەیانی دەدرێت بە هاوڵاتییان، دوای نیوەڕوانیش لە کاتژمێر 3:00 تاوەکو 4:30ی بەیانی لەهەر کاتێکدا کارەبای نیشتمانی بکوژێتەوە پێویستە مۆلیدەکان کارەبا بۆ هاوڵاتییان دابینبکەن.
