بافڵ جەلال تاڵەبانی بەبۆنەی جەژنی ئەکیتۆی ئاشوورییەکان پەیامێکی پیرۆزبایی بڵاوکردەوە و ڕۆڵی ئەوان لە پتەوکردنی گیانی تەبایی و پێکەوە ژیان بە گرنگ ناودەبات وەک پێکهاتەیەکی ڕەسەنی هەرێمی کوردستان.
لە پەیامەکەیدا بافڵ جەلال تاڵەبانی پیرۆزبایی جەژنی ئەکیتۆ لە ئاشووری، سریانی و کلدانییەکان دەکات و ڕایگەیاندووە، “خوشک و برایانی ئاشووری، سریانی و کلدانی لە ھەرێمی کوردستان و عێراق پێکھاتەیەکی دێرین و ڕەسەنی ئەم وڵاتەن و ڕۆڵێكی گرنگیان لە پتەوكردنی گیانی تەبایی و پێكەوەژیاندا هەبووە”.
بافڵ جەلال تاڵەبانی ئاماژە بۆ ئەوە دەکات، هەرێمی كوردستان ماڵی هەمیشەیی هەموو نەتەوە، پێكهاتە و ئاینزاكانە، جەختدەکاتەوە کە دەبێت هەمووان فرەڕەنگی بپارێزن و هەوڵ بۆ زیاتر قووڵكردنەوەی گیانی تەبایی و لێبوردەیی بدەن.
