لە سنووری ئیدارەی گەرمیان دوو رووداوی هاتوچۆ لە دوو کاتی جیاوازدا روویاندا و چوار قوربانیان لێکەوتەوە.
بەڕێوەبەرایەتیی هاتوچۆی گەرمیان بڵاویکردەوە، “لەسەر رێگای کەلار – کفری نزیک گوندی فەتاح عومەر ئۆتۆمبێلێک جۆری لە کیا بارهەڵگر وەرگەڕا و لە ئەنجامدا دوو کەس برینداربوون”.
ئاشکراشیکرد، “هەر ئەمڕۆ لەسەر رێگای کەلار – ساڵح ئاغا ئۆتۆمبێلێک لە جۆری نیسان ئاڵتیما وەرگەڕا، لە ئەنجامدا دوو کەس برینداربوون”.
لە دوای رووداوەکان بریندارەکان بۆ نەخۆشخانەی شەهید هەژار گواسترانەوە و لێکۆڵینەوەکان لەبارەیانەوە دەستیانپێکرد.
