سەرۆكی ئەمریكا ڕایدەگەیەنێت، “بڕیارمانداوە 100 هەزار كۆچبەری ئۆكرانیا وەربگرین و دەڵێت، “ئەگەر پوتین چەكی ئەتۆمی بەكاربهێنێت ناچاردەبین وەڵامیان بدەینەوە”.
جۆ بایدن، سەرۆكی ئەمریكا لە كۆنفرانسێكی ڕۆژنامەوانیدا ڕایگەیاند، بەهۆی جەنگی ئۆكرانیاوە ژمارەیەك كۆمپانیای ئەمریكا ڕوسیایان جێهێشتووە و بڕیارمانداوە 100 هەزار كۆچبەری ئۆكرانیا وەربگرین.
ئاماژەی بەوەكرد، ” جارێكی دیكە گفتوگۆ لەگەڵ بەرپرسانی چین دەكەینەوە و چەند جارێك بەرپرسانی ئەو وڵاتەمان لە نزیكبوونەوەیان لە ڕوسیا ئاگادار كردووەتەوە”.
سەرۆكی ئەمریكا باسی لەوەكرد، “بەشداریی شەڕی ئۆكرانیا و ڕوسیمان نەكردووە، بەڵام ئەگەر ڤلادیمێر پوتین، سەرۆكی ڕوسیا چەكی ئەتۆمیی بەكاربهێنێت ناچاردەبین وەڵامیان بدەینەوە”.
