بەڕێوەبەرایەتیی گشتیی پۆلیسی سلێمانی ڕایگەیاند، چوار تۆمەتبار دەستگیرکراون کە چەندین تاوانی دزیان لە شارەزوور و سلێمانی ئەنجامداوە.
لە ڕاگەیەندراوێکدا پۆلیسی سلێمانی ئاشکرایکرد، هێزەکانی پۆلیسی شارەزوور چوار تۆمەتباریان دەستگیرکرد کە چەندین تاوانی دزیکردنیان لە قەزای شارەزوور و ناو شاری سلێمانی ئەنجامدابووە.
ئەو تۆمەتبارانە ناسنامەکانیان لەلایەن پۆلیسەوە ئاشکراکراوە، (أ ، س ، م )، (م ، س ، م)، (س، ع ، م) و (ر ، ت ، س) بوون.
بەپێی پۆلیسی سلێمانی، تۆمەتبارەکان دانیانناوە با تاوانەکانیاندا و بەپێی ماددەی 443ی یاسای سزادانی عێراقی ڕاگیراون.
