دوای ئەوەی دوێنێ 14 ی تشرینی دووەم لە تێکهەڵچونێکی چەکدارییدا لە سنوری ورمێ لە ڕۆژهەڵاتی کوردستان دوو ئەندامی سوپای پاسداران کوژران، سوپای پاسداران بۆردومانی تۆپخانەکانی بۆ ناوچەکانی تەرگەوەڕ و کوێستانەکانی بەردەڕەش دەستپێکردووە.
لەگەڵ بۆردوومانی تۆپخانەکاندا هاوکات چەند هێلیکۆپتەرێکی سوپای پاسداران بەسەر ناوچەکەدا دەسوڕێنەوە.
دوێنێ 14 ی تشرینی دووەم لە ئەنجامی شەڕ و تێکهەڵچوونی چەکدارانە لە سنووری ورمێ کە لە نێوان هێزەکانی پاسەوانی سنووری ئێران و هێزەکانی یەکێک لە حیزبە کوردستانییەکانی ئۆپۆزیسیۆنی حکوومەت ڕوویدا، لانی کەم حەوت کەس لە هێزەکانی پاسەوانی سنوور کوژران و بریندار بوون.
سوپای پاسداران لە ڕاگەیەنراوێکدا تۆپبارانکردنی ناوچەی تێکهەڵچونەکەی ڕاگەیاندووە، بەڵام ناوی ئەو لایەنەی نەهێناوە کە تێکهەڵچونەکەی لەگەڵدا دروستبووە و تەنها بە “هێزەکانی دژە شۆڕشی ئیسلامی” ناوی هێناون.
