سەرۆكایەتیی ئەنجومەنی نوێنەرانی عێراق كۆتایی هەفتەی داهاتووی دیاریكرد بۆ دانیشتنی هەڵبژاردنی سەرۆك كۆماری عێراق.
میدیای عێراقی بڵاویكردەوە، ئەمڕۆ سەرۆكایەتیی ئەنجومەنی نوێنەران و سەرۆكی فراكسیۆنەكان كۆبوونەتەوە، بڕیاردراوە كۆتایی هەفتەی داهاتوو دانیشتنی تایبەت بە هەڵبژاردنی سەرۆك كۆماری نوێی عێراق ئەنجامبدرێت.
دیاریكردنی كاتی دانیشتنەكەی نوێنەران لەكاتێكدایە، بڕیارە سبەینێ چوارشەممە دادگای باڵای فیدراڵی بڕیاری لەبارەی یاساییبوون و یاسایینەبوونی بڕیاری سەرۆكایەتیی ئەنجومەنی نوێنەران بدات بە دووبارە كردنەوەی دەرگای خۆپاڵاوتن بۆ پۆستی سەرۆك كۆمار.
