ڕكابەرییەكانی چامپیۆنز لیگ ئەمڕۆ سێشەممە بە ئەنجامی دوو یاریی دەستپێدەكەنەوە.
لە قۆناغی شانزەی چامپیۆنزلیگ، ئەمشەو كاتژمێر 11 یانەی ڤیاریاڵی ئیسپانی میوانداری یانەی یۆڤانتۆسی ئیتاڵی دەكات.
ئەمە یەكەم یاریی ئەو دوو یانەیەیە لە مێژوودا كاتێك لە پاڵەوانێتیە ئەوروپییەكاندا ڕووبەڕووی یەك دەبنەوە.
لەهەمان كاتدا یانەی چێڵسی ئینگلیزی لە ستامفۆرد بریدج میوانداری یانەی لیلی فەڕەنسی دەكات.
پێشتر ئەم دوو یانەیە تەنها دوو جار ڕووبەڕووی یەك بونەتەوە، هەردووجارەكە چێڵسی براوە بووە.
پێشبینی دەكرێت هەردوو یانەی چێڵسی و یۆڤانتۆس بە ئەنجامی چوون و هاتن یانەكانی ڤیاریاڵ و لیل تێپەڕێنن و سەركەون بۆ قۆناغی هەشتی چامپیۆنز لیگ.
