دوای ئەوەی ڕەیان (ئەو منداڵە مەغریبییەی كەوتەناو بیرێكەوە و ماوەی پێنج ڕۆژ تیایدا مایەوە) گیانیلەدەستدا، بەشێك لە وڵاتانی عەرەبی هەڵمەتی پڕكردنەوەی بیرە جێهێڵدراوەكانیان ڕاگەیاند.
تەنها لە سعودیە، 2450 بیری جێهێڵدراو و وشككردوو پڕكراونەتەوە، وەك ئەوەی وەزارەتی ژینگە و ئاو و كشتوكاڵی ئەو وڵاتە ڕایگەیاندووە.
وەزارەتەكە دەڵێت، ئەوە تەنها قۆناغی یەكەمی هەڵمەتەكە بووە و بەردەوامدەبن لە پڕكردنەوەی ئەو بیرانەی لە سەرانسەری سعودیەدا جێهێڵدراون و بەكارناهێنرێن.
“پڕكردنەوەی بیرە جێهێڵدراوەكان، لەپێناو پاراستنی ژیانی ڕێبواران و گەشتیاران و ڕێگریكردن لە پیسبوونی ئاوی ژێرزەویدایە و هەموو ناوچەكان دەگرێتەوە”، وەزارەتی ژینگە و ئاو و كشتوكاڵی سعودیە وادەڵێت.
جگە لە سعودیە، هەڵمەتی پڕكردنەوەی بیرە جێهێڵدراوەكان مەغریب، جەزائیر، فەڵەستین و ئوردنی گرتووەتەوە.
