لیۆ مێسی ئەفسانەی زیندووی ئەرجەنتین و یاریزانی نوێی یانەی پاریس سان جێرمان، سەرەڕای دەرنەکەوتنی بەپێی پێویست لەم وەرزەدا، بەڵام بەکۆکردنەوەی داتاکانی 12 ساڵی ڕابردوو، دەبێتە گۆڵکاری مێژوویی تۆپی پێ لەسەر ئاستی یانە لەسەرجەم خول و پاڵەوانێتییەکان.
بەپێی داتاکانی تۆڕی ترانسفێر مارکت، لە ساڵی 2010وە تاوەکو ئێستا (مانگی شوباتی 2022)، 10 یاریزان توانیویانە لوتکەی ڕیزبەندیی گۆڵکاران لە بواری تۆپی پێ لەسەر ئاستی جیهان بگرن، لە پێش هەمووانەوە لیۆ مێسی ناویهاتووە بە 582 گۆڵ، لە پلەی دووەمدا کریستیانۆ ڕۆناڵدۆی پۆرتوگالی هاتووە و پلەی سێیەمیش بۆ ڕۆبێرت لیڤاندۆڤیسکی ئەستێرەی پۆڵەندی یانەی بایرن میونشنە.
ئەوەی چاوەڕواننەکراوە، لە لیستی گۆڵکارەکاندا پیێر ئایمیریک ئۆبامیانگی هێرشبەری نوێی یانەی بەرشلۆنە بەتۆمارکردنی 277 گۆڵ پلەی نۆیەمی گرتووە، بەو ژمارەیەشەوە پێش گۆنزالۆ هیگواینی ئەرجەنتینی کەتووە.
ڕیزبەندیی گۆڵکارانی تۆپی پێ لەساڵی 2010وە تاوەکو ئێستا، لەسەر ئاستی پێنج خولە گەورەکەی ئەوروپا:
لیۆنێل مێسی (611 یاری) 582 گۆڵ
کریستیانۆ ڕۆناڵدۆ (583 یاری) 552 گۆڵ
ڕۆبێرت لیڤاندۆڤیسکی (544 یاری) 431 گۆڵ
ئیدینسۆن کاڤانی (511 یاری) 332 گۆڵ
لویس سوارێز (483 یاری) 307 گۆڵ
کەریم بنزیمە (569 یاری) 297 گۆڵ
سێرجیۆ ئەگوێرۆ (468 یاری) 296 گۆڵ
زڵاتان ئیبراهیمۆڤیچ (408 یاری) 287 گۆڵ
پیێر ئایمیریک ئۆبامیانگ (504 یاری) 277 گۆڵ
گۆنزالۆ هیگواین (480 یاری) 244 گۆڵ
