نوێنەری نەتەوە یەکگرتووەکان لە عێراق سەردانی زۆنگاوەکانی باشووری عێراقی کرد و نیگەرانیی خۆی نیشانداوە لە کەمیی ئاو، و بەرزبوونەوەی ڕێژەی دانیشتووان لەبەرامبەر ئەوەدا.
جینین هێنیس – پلاسخارت، نوێنەری تایبەتی سکرتێری گشتیی نەتەوە یەکگرتووەکان، سەردانی زۆنگاوەکانی میزۆپۆتامیای کرد و بەچاوی خۆی ئاڵنگارییەکانی دەرئەنجامی گۆڕانی ئاووهەوا و کەمیی ئاو و زۆربوونی ژمارەی دانیشتووانی بینی.
بە بەردەوامی لە ڕاپۆرتەکانی نەتەوە یەکگرتووەکاندا هاتووە، وشکەساڵی و کەمیی ئاو مایەی نیگەرانییەکی زۆرن، زۆنگاوەکانی باشووری عێراقیش لە شوێنە هەرە زیانلێکەوتووەکانن لەم پرسەدا.
بەهۆی بەهەڵمبوونی ساڵانەی ئاو لە زۆنگاوەکان کە لە نێوان 2,5 تا 3 مەتر دەبێت و هەروەها کەمبوونەوەی ڕژانی ئاوی ڕووبار بۆ ناو زۆنگاوەکان، ڕووبەری بە ئاو داپۆشراو بە ئاستێكی بەرز كەمبووەتەوە.
