باڵیۆزی توركیا لە عێراق قەبارەی ئاڵوگۆڕی بازرگانیی نێوان عێراق و وڵاتەكەی لە ساڵی 2020دا ئاشكراكردووە، زیاتر لە 20 ملیار دۆلار بووە.
ئەمڕۆ یەكشەممە 7ی شوبات، فاتیح یەڵدز، باڵیۆزی توركیا لە عێراق لە تویتەری خۆی نوسیویەتی، “قەبارەی ئالوگۆڕی بازرگانیی نێوان توركیا و عێراق لە ساڵی 2020دا 20 ملیار و 666 ملیۆن دۆلار بووە”.
باڵیۆزەكەی توركیا ئەوەشی خستوەتەڕوو، “بەوەش، كۆی ئاڵوگۆڕی بازرگانی بەربەستی 20 ملیار دۆلاری شكاندووە”.
بلغ حجم التبادل التجاري سنة ٢٠٢٠ بين تركيا والعراق ٢٠ مليار ٦٦٦ مليون دولار.
وبهذا، تخطى مجموع حجم التبادل التجاري حاجز الـ٢٠ مليار دولار (تصدير + استيراد). 🇮🇶🇹🇷
— Fatih YILDIZ / أبو عشقم (@FATIHYILDIZ_MFA) February 7, 2021
ئەوەش لەكاتێكدایە، بەگوێرەی هەواڵێكی ئاژانسی ئانادۆڵوی توركی، لە مانگی شوباتی ساڵی 2020، فاتح یەڵدز ئاشكرای كردبوو، قەبارەی ئاڵوگۆڕی بازرگانیی نێوان تورکیا و عێراق لە ساڵی 2019دا گەیشتووەتە 15 ملیار و 800 ملیۆن دۆلار.
هەرچەندە بەهۆی پەتای كۆرۆناوە ئاڵوگۆڕی بازرگانی لە جیهاندا تووشی ئیفلیجی بوو، بەڵام لەنێوان توركیا و عێراق پێچەوانە بووە.
